Styremøte nr. 4-2015

Referat styremøte Hordaland folkemusikklag 05.11.15

Oppmøte:
Silje Solberg 
Tormod Kleiveland
Irene Bjørke

Saksliste:

1.    Tildelingsrunde nr. 4-2015
I denne tildelingsrunden har me fått inn totalt 4 søknadar frå BULE, Osterøy Spel- og dansarlag og Hardingfela.no Det var kr. 16 000,- att å fordela i år. Det var semje om å dele ut pengane flatt, dvs. at alle søknadar får innvilga kr. 4000,-:

I 2015 har me totalt fått inn ein søknadssum på kr. 108 000,- og har innvilga kr. 56 000,- til ulike prosjekt.

2.    Vestlandskappleiken 2016
Det er Hordaland sin tur til å arrangera Vestlandskappleik til hausten. Ein har derfor vore på leit etter lokale arrangørar. Hardanger spelemannslag arrangerte kappleiken sist i Granvin. 

3.    E-postadresser i HFL
HFL skal bestilla eige domene som gjer det enklare å finna nettsidene våre, og har kome fram til at hordalandfolkemusikklag.no er det greiaste. Det skal dessutan opprettast eiga e- postadresse til å ta kontakt med HFL på, og som dermed kan gå i arv frå styre til styre: post@hordalandfolkemusikklag.no

4.    Nyhendebrev til lokallaga
I neste nyhendebrev til lokallaga skal ein blant anna minna folk om å bruka arrangementskalendaren. Den fylles opp etterkvart som me høyrer om arrangement, men folk kan leggje inn arrangementa sine sjølv òg. Det er fritt fram å leggje inn arrangement på nettsida vår. Det skal òg opplysa om at søknadane er gjennomgått, og at løyvingar er innvilga for 2015.

5. Årsmøte
Årsmøtet i 2016 vert i mars. Innkalling kjem på nyåret. Fristen for å sende inn saker til styret er 3 veker før årsmøtet vert halde.

For å sørgje for å halde varamedlemmar til styret oppdatert på arbeidet styret gjer, så skal me byrja å sende ut referat til varamedlemmane på e-post. Referata er normalt tilgjengeleg for alle på våre nettsider.

Referent: Irene Bjørke