Styremøte nr. 5 - 2010/2011

Til stades: Per Øyvind, Åse, Kari, Silje Stad: Aurland Fjordhotell

1) Innkomne søknader:

HFL har hatt to søknadsrunder i 2010. I tillegg vart ein satt ein ekstra søknadsfrist i romjula. Det kom då inn til tre nye søknader:

• Dansegruppa ”To tette og ei badehette” – får ikkje innvilga stønad, då dette er eit lukka arrangement.

• Hardanger spelemannslag, kurset ”alt pao ein gong” – tildelt kr.12 500,-

• Hardanger spelemannslag, tur til USA – tildelt kr.12 500,-

2) Økonomi:

• Det er framleis ikkje kome utskrift frå konto i Sparebank1, men Ragnar Birkenes har funne fram til kontonummer. Reknar med at dette i alle høve er klart til årsmøtet.

• Førebels rekneskap gjennomgått på møtet.

3) Hordamønstring 2011

• Me har enno ikkje funne arrangørlag til Hordamønstringa. Arrangementet var planlagt gjennomført siste helga i mars. Dette viser seg å kollidere med kurs i Granvin. Me byrjar å få dårleg tid, og vurderer difor å utsette Hordamønstringa til 8.april. Då vil eit eventuelt arrangørlag ha betre tid til å førebu arrangementet.

• Eit anna alternativ er å høyre med Hardanger Spelemannslag om dei kan ”døype om” sitt kursarrangement slik at det inkluderer ei form for kappleik/mønstring.

• Me bør ha klart arrangørlag for Vestlandskapleiken 2012 på årsmøtet.

4) Årsmøte

Vert halde i samband med Hordamønstringa: enten fredag 25.mars, eller eventuelt utsett april dersom Hordamønstringa blir utsett. Per Øyvind skriv eit framlegg til årsmelding.

Nokre saker som bør vere på sakslista under årsmøte:

• føresegnene for Hordakappleiken, med framlegg til endringar

• føresegnene til HFL, med framlegg til endringar. Stikkord:

• styregodtgjersle

• skrivefeil, i tillegg må LFS endrast til FolkOrg

• ikkje nødvendig at alt skal sendast i papirformat (til dømes referat til lokallaga etter kvart styremøte - dette vert nettpublisert).

• presisere overgangsordningar ved etablering av nytt styre

• stryke paragrafen om ”Rådet” • andre saker me finn grunn til å behandle

5) Aktivitetsoppsett for 2011:

• Bør fastsetjast snarleg.

• Søknadsfristar for stønad 1.juni og 1.november.

6) Ymse

• Samarbeidsmøte med Sogn og Fjordane folkemusikklag var gjennomført på Aurland Fjordhotell 14. januar.

• HFL bør i det nye arbeidsåret engasjere seg meir i drifta av Bjørndal-samlinga, og undersøke nærare korleis bemanninga er der.

• Me held eit styremøte til før årsmøtet, når me veit når/om det vert Hordamønstring.